instrucziun da natira & human el liber

La 3. e 4. classa duront l'instrucziun da natira e human a Valtgeva ed egl uaul da Claus.

fotografias dad Ursula Cadalbert

classas 2020/21

fotografias da classa da Sandro Tomaschett

concept da schurmetg

Preziai geniturs

Sin fundament dalla situaziun actuala en connex cun Covid-19 ha la Scola Sedrun elavurau in CONCEPT DA SCHURMETG per l'instrucziun. Nus supplichein da dar in sguard lien ed engraziein gia ordavon per la buna collaboraziun. 

Bien engraziament per vies sustegn e cordials salids

Gian-Reto Nufer, meinascola

informaziuns per l'entschatta da scola 2020/21

emprem di da scola

Muort la situaziun actuala desistin nus d'ina devoziun d'entschatta communabla.

• La scola entscheiva per tuttas classas naven dalla secunda scoletta ensi tenor urari las 08:15 uras.
• Ils scolarets dall’annada 2015 han lur’entschatta las 09:00. La scola tenor urari entscheiva las 10:10 uras.
• Il bus da scola cursescha tenor urari. 

Las scolaras ed ils scolars ston prender (buca purtar) ina mascra per l'entschatta da scola. En scola ston els en general buca purtar la mascra; en situaziuns specialas san las persunas d'instrucziun denton obligar ils affons da purtar ina mascra. 

Ei vala oravontut da schurmegiar las persunas periclitadas. Noss'intenziun ei dad evitar in'infecziun da scolaras, scolars e persunas d'instrucziun e per quei intent duvrein nus vies agid e sustegn. 

Cordial engraziament per vossa capientscha

il meinascola

mesiras da higiena muort covid-19

• Igl ei giavischau che persunas che han buca da far directamein cul menschi da scola stattan naven digl areal dalla scola. 
• Las mesiras da higiena d'avon las vacanzas valan aunc adina: lavar mauns cun savun, desinfectar ils mauns tier las staziuns, tener la distanza dad 1.5m tier persunas carschidas e buca dar maun in a l'auter. 
• En cass d'enzennas da malsogna eis ei da contactar il miedi da casa e da restar a casa entochen ch'ils simtoms ein svani per 24h. Tier affons naven da 12 onns ensi vegn cussegliau da far in test da covid-19. 
• Famiglias che tuornan dallas vacanzas ord tiaras che sesanflan silla gliesta dil BAG ston star 10 dis a casa (curontina) avon che vegnir a scola. 

structuras dil di

Las structuras dil di ch'ein previdas per mardis e gievgia entscheivan naven da mardis ils 18-08-20. Famiglias ch'ein aunc buca s'annunziadas ed han tuttina basegns dallas structuras dil di san s'annunziar tier il This email address is being protected from spambots. You need JavaScript enabled to view it.. 

strategia dalla scola tujetsch

Eifer ils davos onns da scola ein la Scola Sedrun ed ils responsabels sefatschentai da rudien cun siu futur. En ina pluna sesidas ein differentas ideas e visiuns vegnidas discussiunadas ed analisadas. Il resultat da quellas discussiuns astgein nus presentar cheu en fuorma d'ina strategia.