Viadi d’atun dalla 1. & 2. classa

Nus essan viagiai cul tren a Tschamut e naven da leu a pei tochen a Prau Mulin. Leu ha la Priska dad Aurira fatg beinvegni a nus. Priska ha fatg ina cuorta introducziun davart il lavar aur e mussau a nus co duvrar la cazzetta e co anflar igl aur prezius. Arrivai al Rein han tuts entschiet a cavar, lavar ed encurir mordio. Il temps ei vargaus spert e viers miezdi essan nus turnai cul tren a Sedrun nua che nus vein schau gustar il gentar sil plaz da giugs. Il suentermiezdi vein nus visitau l’exposiziun da cristallas el museum ed il Beni ha declarau a nus a moda fetg interessanta ina massa davart las cristallas ed ils cavacristallas dalla Val Tujetsch.

Viadi d'atun dalla scoletta

Entschiet nies viadi havein nus si Milez. Saver ir libramein per ils trutgs entuorn, siglir d’in crap a l’auter tenor agen tempo, contemplar enqual scazzi dalla natira ha duvrau dabia temps per arrivar tier il crap grond e silsuenter tochen a Scangleras, nies plaz per gentar. Suenter haver termegliau egl uaul e gentau ei nies viadi ius vinavon tochen a Dieni. Leu spitgava sin nus ina surpresa; igl Edi cun cavals e carrotscha! Tuts ein sesi bugen silla carrotscha e gudiu il bi retuorn a casa.

Viadi al Lag da Tuma

Allas 08:20 essan nus dalla 5. e 6. classa sentupai alla staziun dil tren. Arrivai sil pass Alpsu essan nus viagiai encunter il Lag da Tuma. Entgins da nus ein bunamein curri ed entgins ein spassegiai pli patschific. Cun far entginas pausas essan nus arrivai vid las 11:00 al lag. Ils sperts ein gia stai vid magliar lur gentar cura ils patschifics ein arrivai cun izuns ch'els havevan anflau ellas plauncas. Suenter far bogn culs peis essan nus viandai vinavon encunter Meighels e puspei anavos sil pass Alpsu. Quei ei stau in fetg cauld e bi di.

viadi d'atun dalla superiura

La damaun da mesa la nov essan nus sentupai per carrar ensemen encunter la Val Sumvitg. Silsuenter essan nus caminai dalla via viaden encuter Laus. Ei era ina calira narra ed il trutg era fetg teiss. Mesa las endisch essan nus finalmein arrivai sil Lag da Laus.

Viadi da scola dalla 3. e 4. classa

Entschiet ha nies viadi alla staziun da Sedrun. Cul tren dallas 8:31 essan nus semess sin via encunter igl Alpsu. Pacificamein essan nus viagiai sper il lag vi, sper las vaccas che suandavan nus e sur las bialas pradas. Arrivai a Nätschen havein nus fatg la pausa da miezdi sin la plazza da giug.

Entschatta onn da scola 23/24

Uonn ha igl onn da scola 23/24 entschiet il gliendisdis cun ina devoziun.

In cordial beinvegni fagein als scolarets. Als affons dalla emprema classa giavischein ina buna entschatta en scola. In special beinvegni alla nova scolasta Alissia Marino (scolasta da classa 3./4. classa) ed alla Rahel Bisquolm (assistenta da classa).

Il Cussegl da scola, la meinascola ed il team scolastic giavischan a tuts affons ina bun’entschatta ed in bien onn da scola.

Studium

La scola da Sedrun porscha naven da gliendisdis, ils 21 d’uost, uras da studium.

Quella purschida ei aviarta per tut ils affons naven dalla 3. classa ensi.

Il studium vegn purschius 6 gadas ad jamna.

Gliendisdis:	16.05 – 16.50 (stanza 6)	16.55 – 17.40 (stanza 10)
Mardis:	16.05 – 16.50 (stanza 3)	16.55 – 17.40 (stanza pintga)
Gievgia:	15.15 – 16.00 (stanza 11)	16.05 – 16.50 (stanza 9)

Sch’il studium croda inagada ni sch’ei dat ina midada da stanza, lura vegn quei publicau sigl esch dalla stanza previda.

Duront l’ura da studium han ils affons la pusseivladad:

da far pensums
d’emprender
da survegnir agid co planisar ils pensums
da dumandar ina persuna d’instrucziun per agid
da prender suenter tests

Ei drova negina annunzia fixa. Igl affon sto semplamein esser ad uras sill’entschatta dalla lecziun. Sch’el ha finiu da far ils pensums ni d’emprender, astga el ir a casa. Igl ei buca necessari da star l’entira lecziun.

Sch’il giavisch ei avon maun da far giu uras fixas ei quei era pusseivel. Lu prendi per plascher si contact cul scolast da classa.

Per damondas stat il scolast da classa ni la meinascola bugen a disposiziun.

viadi a tavau

Allas 09:16 essan nus i naven da Sedrun cul tren direcziun Claustra. Leu essan nus i silla plazza da giugs che senumna Silvretta Park. Leu havein nus magliau gentar ed havein dau giugs. Suenter essan nus i encunter la plazza da minigolf. Suenter 18 ruosnas essan nus i a Tavau cul tren. Cura nus essan arrivai tier igl albiert ha la scolasta empustau pizza per nus. Suenter havein nus fatg ina pintga parada da moda e las 21:00 essan nus ir en combra a durmir.

uraris 2023/2024

classas

Suandontamein anfleis vus ils uraris pigl onn da scola 2023/24.

bus da scola

urari 2023/24 (provisoric)

il puresser en scola

Duront entginas jamnas ein ils scolars dalla 1. & 2. classa sefatschentai cul tema bein puril. Duront las lecziuns en scola han els denter auter empriu tgei ch’ils animals dil bein puril maglian, tgei products che derivan dils animals ni tgei products che vegnan fatgs ord latg. Els han astgau eleger animals dil puresser, rimnar informaziuns e far referats. Per ils scolars dall’emprema classa ei quei stau lur emprem referat.

Il pli bi iev dil mund

Aschia senumna il tetel d’in cudisch da maletgs che ha accumpignau nus duront il temps che nus havein giu pluscheins en scoletta. Cu ils pluscheins ein secasai tier il pur han ils affons giu peda da sededicar alla historia cun giugar las rollas ed ord quei ei seresultau in teateret cun canzuns che nus havein presentau avon in vast publicum.

plan da vacanzas 23/24

Cheusut anfleis il link cun las datas da vacanzas per igl onn 23/24.

Plan da vacanzas 23/24

DODO e 100 affons dalla scola da Sedrun sil pass Alpsu

Dumengia han tut ils affons dalla scola da Sedrun cantau con DODO sil pass Alpsu e quei avon rodund 700 aspectaturs.

Cheu il link tier la contribuziun da RTR: https://www.rtr.ch/play/tv/redirect/detail/4642ccaf-bbf2-47a4-bfd9-749f0668054b

e cheu il link da G&G: https://www.srf.ch/play/tv/redirect/detail/a1409ad6-5a08-406e-9d10-aef963ab7225

Cheu aunc in link: https://youtu.be/ZA5zzqfzeN4

E maletgs raquentan magari dapli che plaids. Cheusut anfleis las fotas da Priska Ketterer.

classas 2022/23

Tgei less jeu daventar cu jeu sun gronds?

Quella damonda fatschenta adina puspei ils affons da scoletta e bia gadas dat ei interessantas discussiuns tier quei tema. Suenter las vacanzas da Nadal havein nus tractau il tema mistregns. Entschiet havein nus culs mistregns che han da far cun la sanadad, surtut culs mistregns dil spital. Il cantun dalla stiva da poppas ei vegnius transferius en in spital e leu han ils affons astgau esser miedis, anestesists, pazients ed aunc bia auter.

til da tscheiver 2023

jamna da project

La davosa jamna avon las vacanzas ei stada uonn empau pli speciala per nos scolars. Communablamein han els astgau guder ina jamna da project da Nadal.

Gia avon quell’jamna han ils affons exercitau pruamein canzuns da Nadal cun lur scolastas da cant. Questa jamna han ins aschia gia saviu udir bienmarvegl las canzuns ora el liber. Tut ils scolars, da pign entochen grond, ein sepreparai per lur concert dalla gievgia sera.

Sontgaclau en scoletta

Sco mintg’onn ha era uonn il sontgaclau buc emblidau da visitar ils affons dalla scoletta. L’atmosfera era quei di tut aparti cunquei ch’ei haveva neviu in techet e la cuntrada era sevestgida en alv. Las fotografias tschontschan per sesez.

Til da latiarnas

Duront il temps da november cu ils dis vegnan pli cuorts eis ei surtut ella bassa usitau da menar atras tils da latiarnas per render empau glisch en quei temps. Era uonn ha in til da latiarnas giu liug a Sedrun en collaboraziun cun la gruppa da termegliar Ils Pluscheins e la scoletta.

Sera da striegn culla 1. e 2. classa

Viseta el museum regiunal da Trun

Naven dil mund dallas colurs tochen tier igl artist Aluis Carigiet

reglament da congedi ed absenzas

Preziai geniturs

Sin fundament dil conclus dil Cussegl da scola ils 30 d'uost 2021 anfleis vus cheu il reglament da congedis ed absenzas surluvrau. Cheu ina cuorta resumaziun davart las midadas partenent ils dis da joker:

Mintga scolara/scolar ha la pusseivladad da prender 4 ga per onn da scola in 1/2 di da joker. Igl ei naturalmein era pusseivel da prender 2 ga in 1/2 di da joker per saver prender liber in entir di.
Ils dis da joker astgan vegnir retratgs tut ils dis da scola.
La persuna d’instrucziun da classa sto vegnir informada 1 di avon.

strategia dalla scola tujetsch

Eifer ils davos onns da scola ein la Scola Sedrun ed ils responsabels sefatschentai da rudien cun siu futur. En ina pluna sesidas ein differentas ideas e visiuns vegnidas discussiunadas ed analisadas. Il resultat da quellas discussiuns astgein nus presentar cheu en fuorma d'ina strategia.

WhatsApp en scola

Il diever da WhatsApp sco mied da communicaziun per scolas ha caschunau en differents cantuns dalla Svizra grondas discussiuns. Era las persunas d’instrucziun dalla Scola Sedrun fan diever da WhatsApp per informar geniturs. Consequentamein havein giu endamen en caussa e priu communablamein la decisiun dad era vinavon far diever da quei canal da communicaziun. Per risguardar la segirtad da datas duei quei denton succeder sin fundament dallas reglas suandontas:

Reglas pils chats da classa sur WhatsApp

La persuna d’instrucziun informescha sulettamein davart occasiuns da scola ed en cass dad atgna malsogna.
Informaziuns vegnan BUCA commentadas nunnecessariamein.
Nums d’affons vegnan BUCA numnai el chat da classa.
Videos e fotografias d’affons vegnan BUCA tarmess el chat da classa.
Informaziuns bilateralas (persuna d'instr. - geniturs) vegnan BUCA tarmessas el chat da classa.

Cordial engraziament per la buna collaboraziun - Scola Sedrun